Kontzertuak

Foruen plazako kontzertuek Vital Eguneko ekitaldi nagusia izaten jarraituko dute. Musika urbanoa gure programara itzuliko da, generoko figura handienetako baten eskutik: Cruz Cafuné. Kanariarrak publikoa hunkiaraziko du, ereserki bihurtu diren abestien eskutik. Gainera, Rico Rosa ekoizlea eta Safu izango ditu lagun, benetako izar bihurtzeko bidean doazen artista bi.

Arratsalde-gau honetatik oroitzapen ezabaezinak aterako dira eta gurekin doan bizitzeko gonbidapena luzatu nahi dizugu.

Ordutegia

19:30ean, Rico Rosa

21:20an, Safu

22:50ean, Cruz Cafuné

Cruz Cafuné

Zer esan dezakegu Cruzzi-ri buruz? Estatuko musikaren figura garrantzitsuenetakoa bihurtu da kanariarra. Horren lekuko dira hilean Spotify-n dituen 2 milioi entzule baino gehiago. Genero urbanoaren izen handiekin lankidetzan aritu da, hala nola Elio Toffana, Bejo, Delaossa eta Recycled J, besteak beste.

Cruz Cafunék ziur historikoa izango den kontzertua eskainiko du 2025eko Vital Egunean. Atzerako kontaketa hasi da. Urriaren 4an zain izango gaituzu Gasteizko Foruen plazan.

Safu

Safu konpositorea, abeslaria eta dantzaria da. 2000. urtean jaio zen Iruñean (Nafarroa). Euskalduna eta kubatarra, genero, klase, etnia eta identitateen banaketa eta estigmak bizi izan ditu bere buruan. 17 urtez aritu da dantza urbanoan eta musikagile nahiz musikari karrera gorakorra du, etorkizun oparoa agintzen duena, zalantza izpirik gabe.

Safu librea da, aldarrikatu, abestu eta bultzatu egiten du. Hala da artista bat izan daitekeen modu guztietan. Ez dago araurik bere lanetan, ezta bere zuzeneko emanaldietan ere, eta horrek entzuten duena askatzera gonbidatzen du eta batzuek ametsetan baino ukitu ezin dezaketen unibertsora joaten uztera.

Rico Rosa

Bilboko eta Brasilgo sustraien nahasketatik Paul Sánchez agertu da, Rico Rosa izenaz ezagunagoa, eta iparraldeko ekoizle garrantzitsuenetakoa bihurtu da; izan ere, hilean 500K entzule inguru ditu Spotify-n.

Estudioko ordu kontaezina egin du, zortzi urte eman ditu kabinako saioak egiten eta dedikazio handia. Horren eskutik artista moldakorra izatera iritsi da, baina estilo oso pertsonala du bere saioetan, perreoz, dembow-z, funk-ez, afrobeat-ez eta abarrez beteak.Publiko orokorrari begira ezaguna egin duen proiektuaren izenburua hau da: FUGITIVO (IHESLARIA). One shot formatua du, Spotify-n 10 milioi erreprodukzio baino gehiago izatera iritsi da bere lehenengo urtean eta hedapen betean dabil.

Nola iritsi

Foruen plazara oinez edo garraio jasangarriak erabiliz hurbiltzea gomendatzen dizugu, hala nola bizikleta edo garraio publikoa.

• Autobus geltokira iristen bazara: Tranbia har dezakezu Unibertsitaterako edo Salburuarako noranzkoan. Lovaina geltokian jaistea gomendatzen dizugu. Plaza, oinez, 2 minutura dago. Autobusez ere hurbil zaitezke. 4. lineak Bakea kaleraino hurbilduko zaitu, kontzertutik 2-3 minutura. Oinez hurbiltzea erabakitzen baduzu, ordu erdi bat beharko duzu 2 kilometro eta erdiko ibilbidea egiteko.
• Trenez iristen bazara: Jai gunea geltokitik 10 minutu baino gutxiagora dago, oinez. Dato kale osoa zeharkatu beharko duzu (geltokiko irteeraren aurrekoa) eta eskumatara hartu Posta kalean.

Lagunduko al diguzu jarduera hau jasangarria izan dadin?

• Erabil itzazu garraiobide jasangarriak ekitaldira hurbiltzeko. Oinez edo bizikletaz ere etor zaitezke.
• Saihets itzazu erabilera bakarreko ontziak.
• Erabil itzazu hondakinak birziklatzeko jarriko ditugun zaborrontziak.