Delaossa eta La Plazuela doan arituko dira 2026ko Vital Egunean

Vital Egunak musikaz beteko du berriro Gasteizko bihotza, 2026ko urriaren 2an eta 3an. Vital Fundazioak bultzatutako jaialdiak beste aurrerapauso bat eman du Lurraldeko kultura hitzordu handienetakoa izateko bidean, eta, lehen aldiz, kontzertu gau bi izango ditu, jarraian, Foruen plazan, Arabako eta beste jatorri batzuetako ikusleen artean duen harrera bikaina berretsiko du, hartara.

La Plazuelak emango dio hasiera asteburuari, Andaluziako sustraiak, flamenkoa, funka eta soinu elektronikoak era berezian uztartzen dituen talde horrek. Granadako bikotea Espainiako musika berriaren fenomeno interesgarrienetakoa da egun, herrialde osoko jaialdiak eta agertokiak konkistatu dituen proposamen fresko, berritzaile eta nortasun propioa duenari esker.

Larunbatean Delaossaren txanda izango da, Estatuko raparen ahots errespetatuenetakoa. Malagako artistak ibilbide sendoa eraiki du letra zintzo eta hurbilei esker, zenbait entzule belaunaldirekin konektatzeko gai direnak, eta Espainiako hip hop garaikidearen ezinbesteko figuretakoa da egun.

Kaparrak eta 48280, banda gonbidatuak

Plazer handia da Vital Eguneko egun bakoitzean agertokia irekiko duten bandak zeintzuk diren ezagutzera ematea. Urriaren 2an, ostiralean, Kaparrak taldearen txanda izango da. Aretxabaletako lagun taldea da Kaparrak, eta runba maila berri batera daramate. Urriaren 3an, larunbata, 48280 taldearen txanda izango da. Musika urbanoko talde lekeitiarra da, eta indartsu dihardu gure lurraldeko musikaren panoraman.

Irailean iragarriko ditugu kontzertu bakoitzaren ordutegi ofizialak. Bitartean, Instagramen eta TikToken jarrai gaitzazuen gonbidatzen zaituztegu, #VitalEguna26 ekimeneko nobedade guztien berri izan dezazuen.